Ijtimoiy tarmoqlarda Andijon shahridagi 36-umumtaʼlim maktabda 4 kishi spirtli ichimlik ichish ortidan halok bo‘lgani aytilgan xabarlar tarqalgandi. Holat yuzasidan shahar Maktabgacha va maktab taʼlimi bo‘limi munosabat bildirdi.
Qayd etilishicha, holat o‘rganilganda joriy yilning 22 oktyabr kuni 17:00 lar chamasida maktabning xo‘jalik ishlari bo‘yicha mas'uli, CHYOT Rahbari, qorovul va bir nafar o‘qituvchi darsdan keyin kechki ovqatlanish jarayonida texnik spirtni isteʼmol qilib zaharlangan.
Bosh prokuraturaga ko‘ra, ulardan ikki nafari - direktor o‘rinbosari va qorovul vafot etgan.
Ushbu holatda maktab direktori vazifasidagi F.R (ayol kishi) ishdan so‘ng uyga qaytgan va ushbu jarayonlarda ishtirok etmagan.
Hozirda ushbu holat bo‘yicha tegishli tashkilotlar tomonidan o‘rganish ishlari davom etmoqda.