АҚШда аёл авария содир бўлган машинада 6 кун қолиб кетган
У омон қолиш учун фақат сув ичган.
АҚШнинг Индиана штатида ҳайратланари воқеа содир бўлди. 41 ёшли уч фарзанднинг онаси Бриёна Кассел автоҳалокатга учраб, олти кун давомида шикастланган машина ичида қамалиб қолган.
Бриёна рулда ухлаб қолган ва бошқарувни йўқотиб, автомобили билан йўлдан чиқиб кетган. Машина кўприк остидаги дренаж канали ичига тушиб кетган ва жиддий шикастланган.
Аёл қаттиқ жароҳатланган ва автомобилдан чиқиб кета олмаган. У ҳаётини сақлаб қолиш учун канал сувига таянишга мажбур бўлган. Отаси Делмар Колдуэллнинг сўзларига кўра, Бриёна сувга етиб бориш учун қалпоқли жемперини ишлатган – кийимининг матосини сувга ботириб, кейин ундан томчилаб чиққан намликни сўриб чанқоғини қондирган.
Аёлнинг омон қолиши тасодифий ҳолат натижасида юз берди. Ер қазиш ишлари билан шуғулланаётган ишчилар кўприк остидаги шикастланган машинани кўриб қолишган. Улар автомобиль ичини кўздан кечириб, аёлни чиқариб олишган ва зудлик билан тез ёрдам чақиришган.
Айни пайтда шифокорлар унинг соғлиғини назоратга олиб, ҳаётга хавф туғдирадиган ҳолатлар йўқлигини тасдиқлашган.
