Manbaning “Azatlik” radiosiga aytishicha, qiz Turkmaniston davlat iqtisodiyot va menejment instituti talabasi.
Gaudan shahri aholisi yaqinda poytaxt hududi axlat qutisidan bo‘g‘ilib qolgan yangi tug‘ilgan bolaning jasadini topdi. Voqea 22 iyul kuni, Qurbon hayitining uchinchi kuni, taxminan soat 11 larda, Anqara ko‘chasi bo‘ylab, 31 va 42-sonli umumtaʼlim maktablari yonidagi hovlilarni tozalash paytida sodir bo‘lgan.
Shundan so‘ng politsiya o‘sha hududdagi uylarni aylanib chiqib, bolaning onasini topish uchun aholi bilan gaplasha boshladi.
"Kvartiralarga tashrif buyurgan politsiya, aholi sonini va ular orasida bolalar bor-yo‘qligini so‘radi. Shuningdek, ular aholi orasida homilador ayollar bor yoki yo‘qligi bilan ham qiziqishdi”, - dedi “Azatlik” muxbiri.
Uning so‘zlariga ko‘ra, taxminan bir hafta o‘tgach, aholi Turkmaniston davlat iqtisodiyot va menejment institutining talabasi yangi tug‘ilgan chaqaloqning jasadini tashlaganlikda gumon qilingan shaxs ekanligini bilishdi.
Taʼkidlash joizki, institut talabalar turar joyi "Gaudan A" tumani yaqinida joylashgan.
"Talaba qiz politsiyaga o‘qituvchisidan homilador bo‘lganini va oilali erkak bilan munosabatini yashirish uchun choralar ko‘rishi kerakligini aytdi", - dedi ismini oshkor qilmaslik sharti bilan “Azatlik”ka.
“Azatlik” radiosi qo‘shimcha maʼlumot olish uchun Turkmaniston davlat iqtisodiyot va menejment instituti bilan bog‘landi. Ammo javob ololmadi.
Mamlakat qonunlari amalda abort qilishni taqiqlaydi. Turkmanistonning "Fuqarolarning sog‘lig‘ini himoya qilish to‘g‘risida"gi qonunining 19-moddasiga binoan, besh haftalik homiladorlik paytida bolani abort qildirishga ruxsat beriladi.
Maxsus komissiya ayolning besh haftalik homiladorlikdan keyin