Eden Azar Belgiya terma jamoasidagi faoliyatini yakunladi. Bu haqida futbolchining o‘zi Instagram sahifasi maʼlum qildi.
“Bugun yangi bir sahifa ochilmoqda. Sevgingiz uchun rahmat. Qo‘llab-quvvatlaganingiz uchun minnatdorman. 2008 yildan buyon bo‘lishib kelgan quvonch uchun rahmat. Terma jamoadagi faoliyatimni yakunlashga qaror qildim. O‘rinbosar ham tayyor. Sizni sog‘inib qolaman”, — deb yozadi Azar.
Azar 2008 yildan buyon terma jamoa sharafini himoya qilib kelayotgan edi. Belgiya safida 111 ta o‘yinda maydonga tushib, 32 ta golga mualliflik qilgan.