Oq uyning Yaqin Sharq boʻyicha koordinatori Brett Makgurk Jo Baydenning Saudiya Arabistoniga 15-iyul kungi tashrifiga yakuniy tayyorgarlik koʻrish uchun yoʻl oldi. Bu haqda “Axios” nashri xabar berdi.
Ma’lumotlarga ko‘ra, Bayden avval Isroil va G‘arbiy Sohilga, so’ng Saudiya Arabistoniga keladi. U Tel-Avivdan Jiddaga to‘g‘ridan-to‘g‘ri parvoz qiladi. AQSH prezidenti qirollikda Saudiya Arabistoni, Birlashgan Arab Amirliklari, Bahrayn, Quvayt, Qatar, Ummon, Misr, Iordaniya va Iroq rahbarlari ishtirokidagi sammitda ishtirok etadi.
Tashrif ikki davlat o'rtasidagi munosabatlarni tiklash, Saudiya Arabistonida neft qazib olishni koʻpaytirish zarurati hamda Saudiya Arabistoni va Isroil oʻrtasidagi munosabatlarni normallashtirish choralariga bagʻishlanadi.