Sovuq havo oqimining kirib kelishi sababli ayrim hududlardagi avtomobillarga gaz to‘ldirish kompressor shoxobchalari faoliyati cheklangani tufayli birja savdolariga chiqarilayotgan avtobenzin hajmi ham vaqtinchalik ikki barobarga oshirilgan.
2024 yil 6 dekabr kuniga qadar birja savdolariga kuniga 2000 tonna AI-80 rusumidagi avtobenzin chiqarilayotgan bo‘lsa, 10 dekabrdan bu hajm o‘rtacha to‘rt barobar oshirilib, hozirgi vaqtda kunlik 8000 tonnani tashkil etmoqda.
Shu bilan birga, AI-92 rusumli avtobenzinni birja savdolarida sotish hajmi ham oshirilib, kunlik 4000 tonnaga yetkazildi.
2024 yil 13 dekabr kuni ham 8000 tonna AI-80 markasidagi avtobenzin savdoga qo‘yildi va shundan 7780 tonnasi xaridorlar tomonidan sotib olindi. Birja savdolaridagi avtobenzin hajmini talab va taklifdan kelib chiqqan holda yanada oshirish imkoniyati mavjud.