BMT Bosh Assambleyasi Falastin xalqining o‘z taqdirini o‘zi belgilash huquqi to‘g‘risidagi rezolyutsiyani maʼqulladi deb yozadi Anadolu.
Rossiya va Norvegiya kabi yetti davlat tomonidan ishlab chiqilgan, "Falastin xalqining o‘z taqdirini o‘zi belgilash huquqi" deb nomlangan rezolyutsiya loyihasini 164 ta davlat qo‘llab-quvvatladi, Isroil va AQSH kabi 8 ta davlat, shuningdek, aksariyat kichik orol davlatlari qarshi ovoz berdi, 9 ta davlat esa betaraf qoldi.
Rezolyutsiya mintaqadagi barcha davlatlarning xalqaro miqyosda tan olingan chegaralar ichida xavfsiz yashash va tinch-totuv yashash huquqini taʼkidlaydi.
Hujjatda mintaqadagi barcha davlatlarning xalqaro miqyosda tan olingan chegaralar doirasida xavfsiz va tinch-totuv yashash huquqi eʼtirof etilgan. Shuningdek, Falastin xalqining o‘z taqdirini o‘zi belgilash huquqi, jumladan, mustaqil Falastin davlatini tashkil etish huquqi tasdiqlangan.
Rezolyutsiyada BMTga aʼzo davlatlar va ixtisoslashgan agentliklar Falastin xalqining o‘z taqdirini o‘zi belgilash huquqini imkon qadar tezroq amalga oshirish yo‘lida qo‘llab-quvvatlash va amaliy yordam ko‘rsatishni davom ettirishga chaqirilgan.