Ozarbayjon Armaniston bilan Togʻli Qorabogʻ boʻyicha muzokaralar olib bormoqda. Tinchlik shartnomasi loyihasi Yerevanga topshirildi. Bu haqda Ozarbayjon Prezidentining maxsus topshiriqlar bo‘yicha vakili, elchi Elchin Amirbekov ma’lum qildi.
Uning soʻzlariga koʻra, muzokaralar ikki davlatning suvereniteti va hududiy yaxlitligini oʻzaro hurmat qilish tamoyiliga asoslanadi.
Amirbekovning fikricha, Tog‘li Qorabog‘ning arman aholisi vakillari bilan muloqoti ham tinchlik shartnomasini tuzishga xizmat qiladi.
Elchi Qorabogʻdagi arman aholisining reintegratsiyasi Ozarbayjonning ichki ishi ekanligini va bu masalalarning Armanistonga hech qanday aloqasi yoʻqligini taʼkidladi.