30-noyabr kuni soat 14:00 larda Bektemir–Chorbo‘g‘ avtomobil yo‘lida “Cobalt” va yuk mashinasi haydovchilari o‘rtasida yo‘l talashi natijasida janjal yuz berdi.
Voqea chog‘ida “Cobalt” haydovchisi, 1992-yilda tug‘ilgan F.M., mashinasida bo‘lgan “otvertka” bilan yuk mashinasi haydovchisiga tahdid qilgan. Hududiy profilaktika inspektori va IIB xodimlari zudlik bilan yetib borib, janjalni bartaraf etgan va 33 yoshli F.M. ushlangan.
Hozirda holat yuzasidan O‘zbekiston Respublikasi Ma’muriy javobgarlik to‘g‘risidagi kodeksning 183-moddasi asosida hujjatlar rasmiylashtirilgan. 1-dekabr kuni ish Bostanliq tumani sudi tomonidan ko‘rib chiqilishi rejalashtirilgan. Qayd etish joiz, jamoat tartibi va fuqarolarning xavfsizligiga tahdid soluvchi har qanday harakat qonun doirasida jazo olib keladi.