Qatarda bo‘lib o‘tayotgan Osiyo kubogining 2-turiga bugun start beriladi. Dastlab, Livan Xitoyga qarshi o‘yin o‘tkazadi. Uchrashuv Toshkent vaqti bilan 16:30 da boshlanadi. Tojikiston esa Qatar bilan kuch sinashadi. Ushbu bahs 19:30 da start olishi ko‘zda tutilgan.
Eslatib o‘tamiz, "A" guruhida 1-turdan keyin Qatar peshqadam bo‘lib turibdi. Xitoy ikki, Tojikiston bo‘lsa uchinchi pog‘onani egallagan. So‘nggi o‘rinda Livan joy olgan.