Bugun, 15 yanvar kuni Buxoro – Moskva (Vnukovo) yo‘nalishidagi HY9607 aviaqatnovi belgilangan aeroportga qo‘nayotganda dvigatellardan biri ishdan chiqqan. Bu haqida Uzbekistan Airways Matbuot xizmati xabar qildi.
Qayd etilishicha, aviakompaniya ekipaji tomonidan tegishli protseduralar bajarilib, samolyotni belgilangan aeroportga qo‘ndirishga qaror qilingan.
Qo‘nish muvaffaqiyatli amalga oshirilgan. Havo kemasi bortida 132 yo‘lovchi bor bo‘lgan.
Hozirda Uzbekistan Airways texnik xizmatlari tomonidan barcha tiklash ishlari olib borilmoqda.
"Amaldagi parvozlar jadvalida rejalashtirilgan keyingi aviaqatnovlar Vnukovo xalqaro aeroportiga uchib ketgan zaxira havo kemasida amalga oshiriladi",- deyiladi xabarda.