“Дадажон, мен ўляпман де” — самарқандлик аёл эрига жаҳл қилиб, ўз фарзандларини қийнади
Ҳозирда ҳолат юзасидан жиноят иши очилган.
Ижтимоий тармоқларда Самарқанд вилоятининг Каттақўрғон туманида бир аёл ўз боласини қийнаётгани акс этган видео тарқалиб, жамоатчилик муҳокамасига сабаб бўлмоқда. Ҳолат юзасидан вилоят ИИБ ахборот хизмати расмий муносабат билдирди.
Қайд этилишича, ҳолат Каттақўрғон туманининг «Андоқсой» МФЙ Андоқсой қишлоғида содир бўлган. 2000 йилда туғилган X.U. Россиядаги эри билан ўртасида юзага келган келишмовчилик сабаб жаҳл устида боласини қийнаб, буни тасвирга олиб турмуш ўртоғига юборган.
Ҳолат юзасидан Жиноят кодексининг 110-моддаси 2-қисми «а» банди билан иш қўзғатилиб, фуқаро X.U. жиноят ишига гумонланувчи сифатида жалб этилган.
“Ҳозирда тергов ҳаракатлари олиб борилмоқда. Ушбу оила ҳамда болалар билан ишлаш учун мутахассис психологлар жалб этилган”, — дейилади хабарда.
