Дани Алвес қамоқдан вақтинча озод этилиши мумкин
У тўрт ярим йил озодликдан маҳрум қилинганди.
"Барселона" ва Бразилия терма жамоасининг собиқ ҳимоячиси Дани Алвес қамоқхонадан вақтинчалик озод этилиши мумкин. Бу ҳақда "Мундо Депортиво" хабар бермоқда.
Қайд этилишича, келаси ҳафта, 19 март куни Алвеснинг вақтинчалик озод этиш ҳақидаги илтимосини кўриб чиқиш бўйича тинглов бўлиб ўтади. Агар бу петисия қабул қилинса, бразилиялик футболчи суд ҳукми кучга киргунга қадар озодликда қолади.
Эслатиб ўтамиз, Алвес 4,5 йил муддатга қамоқ жазосига ҳукм қилинганди. Аввалроқ бразилияликнинг адвокати ушбу жазони енгиллаштириш учун апелляция берган эди.
