Toshkentda havoni ifloslantiruvchi omillarga qarshi maxsus komissiya vakolatlari belgilandi:
Tabiiiy changlanish kuchaygan vaqtlarda sanoat korxonalari, transport, issiqlik ta’minoti va boshqa sohalarda cheklovlarni joriy etish;
Tashqi transport harakatini cheklash, jumladan, davlat raqamiga ko‘ra toq va juft kunlarda avtomobillarning harakatini vaqtincha cheklash (elektromobillar bundan mustasno);
Atrof-muhitga zarar yetkazuvchi issiqxonalar va boshqa obyektlarni vaqtincha yoki to‘liq to‘xtatish;
Sanoat korxonalari uchun chiqindilarga ruxsat etilgan miqdorlarni belgilash va talab buzilgan taqdirda faoliyatini to‘xtatish;
Qurilish ishlarida changni kamaytiruvchi uskunalarni o‘rnatish va boshqa ekologik talablarni joriy etish;
Suv obyektlari atrofida qurilish va boshqa faoliyatni cheklash, ekologik vaziyatni yaxshilash bo‘yicha nazoratni amalga oshirish;
Davlat organlari va huquqni muhofaza qiluvchi idoralar faoliyatini muvofiqlashtirish.
Komissiya barcha chora-tadbirlarni havoni ifloslantiruvchi omillarni kamaytirish va Toshkent shahrida ekologik vaziyatni yaxshilash maqsadida amalga oshiradi.