Shavkat Mirziyoyev “Madaniyat va san’at sohasini yanada rivojlantirishga doir qo‘shimcha chora-tadbirlar to‘g‘risida”gi qarorni imzoladi.
Unga ko‘ra, endilikda barcha davlat tashkilotlari, muassasalari va korxonalari har chorakda kamida bir marotaba budjetdan tashqari hamda kasaba uyushmalari mablag‘lari hisobidan o‘z xodimlariga konsert, sirk va teatrlarga bilet hamda abonementlar xarid qilish amaliyotini yo’lga qo’yadi.
Yuridik shaxslar xodimlari va ularning oila a’zolari uchun tadbirlar o‘tkazish, chiptalar xarid qilishga yo‘naltirilgan mablag‘larga teng ravishda foyda solig‘i va yagona soliq to‘lovidan ozod qilinadi.