Haydovchilik guvohnomasi orqali hisobvaraq ochish, kredit yoki depozit xizmatlaridan foydalanish, bank plastik kartalarini rasmiylashtirish mumkin.
Vazirlar Mahkamasining “Ichki ishlar organlari tizimida davlat xizmatlari ko‘rsatish sifatini yana-da takomillashtirish va tartib-taomillarini soddalashtirish chora-tadbirlari to‘g‘risida”gi qarori 6-bandiga muvofiq yangi namunadagi milliy haydovchilik guvohnomasiga shaxsni tasdiqlovchi rasmiy davlat hujjati maqomi berildi.
Qarorga muvofiq, Markaziy bank rahbariyati tomonidan qabul qilingan 7 ta normativ-huquqiy hujjatga o‘zgartirishlar kiritildi. Unga muvofiq fuqarolar pasport bilan bir qatorda identifikatsiya ID-kartalari yoki milliy haydovchilik guvohnomalarini ko‘rsatib, bank xizmatlaridan foydalanishlari mumkin.
Yangi namunadagi milliy haydovchilik guvohnomasi shaxsni tasdiqlovchi rasmiy davlat hujjati maqomiga ega bo‘lgani sababli, u bank xizmatlarini ko‘rsatish jarayonida pasportning o‘rnini bosa oladi.