Turkiya Rossiya bilan munosabatlardagi ijobiy tendensiyalar saqlanib qolishiga umid bildiradi. Bu haqda Rajab Toyyib Erdog‘an TRT telekanali efirida aytib o‘tgan.
“Albatta, davlatlarimiz o‘rtasida ayrim kelishmovchiliklar bor. Ammo ular ikki tomonlama munosabatlarga xalal bermaydi. Biz Rossiya bilan aloqalarni o‘zaro manfaatli asosda rivojlantirishimiz kerak”, – degan u.
Shu bilan birga prezident G‘arb siyosatchilarining Putinga munosabatini tanqid qilgan. Erdog‘anning fikricha, bu g‘arbliklarga yarashmaydi.
“Siz unga qanday munosabat ko‘rsatsangiz, shunday munosabat olasiz”, – deb qayd etgan Turkiya rahbari.
Avvalroq Putin va Erdog‘an Tehronda uchrashuv o‘tkazgandi.