Эрдоған, Пашинян ва Алиев бир даврада жам бўлди
Давлат раҳбарлари учрашиб, ўзаро гаплашиб олган.
Туркия Президенти Режеп Таййип Эрдоған Прагада бўлиб ўтган Европа сиёсий ҳамжамиятининг биринчи йиғилишида илк бор Арманистон Бош вазири Никол Пашинян билан юзма-юз мулоқот қилди. Бу ҳақда “РиаНовости” нашри ёзмоқда.
Учрашувда Озарбайжон раҳбари Илҳом Алиев иштирок этиб, Боку ҳам, Ереван ҳам кенг кўламли кескинлашувни хоҳламаслигини билдирган.
Қайд этилишича, Европа сиёсий ҳамжамиятининг концепсияси Франсия президенти Эммануел Макронга тегишли. 44 та давлат раҳбарлари иштирок этаётган саммитнинг асосий мавзулари Украинадаги вазият, энергетика инқирози ва глобал иқтисодиёт ҳақида бўлади. Саммит доирасида икки томонлама ва кўп томонлама учрашувлар ўтказилади.
