Ijtimoiy tarmoqlarda “Farg‘onada bir ayol o‘qituvchi o‘zini osib qo‘ydi...” mazmunida tarqatilgan xabar Farg‘ona viloyati Maktabgacha va maktab ta’limi boshqarmasi tomonidan o‘rganib chiqildi.
Xabarda ayol “chet tilidan B2 sertifikati yo‘qligi sababli ishdan bo‘shash bosimi ostida qolgan” degan iddaolar keltirilgan.
O‘rganish natijasida viloyatdagi umumiy o‘rta ta’lim muassasalarida bunday holat aniqlanmadi. Ijtimoiy tarmoqlardagi mazkur xabarlar haqiqatga mos kelmaydi.
Ma’lumki, O‘zbekiston Respublikasi Konstitutsiyasiga muvofiq, har bir shaxs axborotni izlash, olish, uzatish va undan foydalanish huquqiga ega. Biroq, asossiz ma’lumotlarni tarqatish, shu orqali kimningdir sha’ni va qadr-qimmatiga putur yetkazish yoki tashkilot va korxona nufuziga zarar keltirish fuqarolik, ma’muriy hamda jinoiy javobgarlikka sabab bo‘lishi mumkin.
Farg‘ona viloyati Maktabgacha va maktab ta’limi boshqarmasi ijtimoiy tarmoqlarda tarqatilayotgan har qanday ma’lumotni tekshirilmagan holda tarqatmaslikka chaqiradi.