Bugun, 10 oktyabr kuni Farg‘ona viloyatining Yozyovon tumanida yuk avtomobili yonib ketdi. Bu haqida viloyat Favqulodda vaziyatlar boshqarmasi xabar bermoqda.
Bildirilishicha, soat 06:02 da Yozyovon tumani “Yangi bo‘ston” MFY A-373 Andijon-Toshkent yo‘nalishida harakatlanib ketayotgan “Volvo” rusumli yuk avtomobilida yong‘in sodir bo‘lgan.
Yong‘in o‘chirish ekipajlari voqea joyiga soat 06:22 da yetib borgan va olov 06:26 da batamom o‘chirilgan.
Hodisa natijasida jabrlanganlar yo‘q. Hozirda yong‘inning sababi va zarari aniqlanmoqda.