Kecha Ispaniya — Chexiya, Portugaliya va Serbiya termalari ishtirokida so‘nggi o‘yinlar bo‘lib o‘tdi. Unda dunyoning eng kuchli jamoalari hisoblanadigan Ispaniya hamda Portugaliya termalari g‘alaba qozondi. Shu tariqa chorak final yo‘llanmasini qo‘lga kiritgan barcha jamoalar nomi maʼlum bo‘ldi.
Jahon chempionatining 1/4 bosqichidan o‘rin olgan o‘yinlari 26-sentyabrdan start oladi. Ushbu bahslarni Marokash va Braziliya o‘rtasidagi bellashuv boshlab beradi. Shu kuni yana o‘tgan jahon chempionati finalchilari Rossiya hamda Argentina jamoalari maydonga tushadi.
27-sentyabr kuni esa Portugaliya —Ispaniya, Eron —Qozog‘iston termalari ishtirokida o‘yinlar bo‘lib o‘tadi. Mazkur bahslarda g‘alaba qozongan jamoalar yarimfinal yo‘llanmasiga ega bo‘ladi.
Eslatib o‘tamiz, avvalroq O‘zbekiston futzal terma jamoasi Eronga 8:9 hisobida mag‘lub bo‘lgani haqida xabar berilgandi.
Jamshidbek Amirov