1-maydan boshlab Germaniyada chiqindilarni saralash bo‘yicha yangi qoidalar kuchga kiradi. Endi organik chiqindilar tarkibida plastmassa 1% dan oshmasligi kerak. Ushbu tartibga amal qilmaganlar jarimaga tortiladi.
Ba’zi hududlarda qoidabuzarlikni aniqlash uchun sun’iy intellekt texnologiyalari joriy etilmoqda. Masalan, Esslingen tumanida AI tizimi chiqindilarni tekshiradi, Ulmda esa biokonteynerlar masofadan qulflanishi mumkin. Myunxenda esa chiqindi tarkibini tekshiruvchi sun'iy intellekt kamerali mashina sinovdan o'tkazilmoqda.
Erfurt shahrida chiqindilarni identifikatsiya qilish tizimi mavjud bo‘lib, u 15 yildan beri ishlaydi. Tizimli qoidabuzarliklar uchun jarimalar 5000 yevrogacha yetishi mumkin.