Германия хорижликлар учун COVID-19 чекловларини бекор қилди
Фақат Хитойдан келаётганлар бундан мустасно.
Германия ташқи ишлар вазирлиги коронавирус пандемияси бошланганидан бери киритилган барча чекловларни бекор қилди.
Бундан буён Германияга исталган мақсадда, хусусан, туризм учун коронавирус касаллигига қарши эмланганлик сертификати, ундан тузалганлиги ёки тест синовларисиз саёҳат қилиш мумкин.
Шу билан бирга, Хитойдан келганлар, шу жумладан Германия фуқаролари учун ҳам кириш чекловлари амал қилишда давом этади. Чунки Хитойда эпидемия бўйича вазият қониқарли эмас. Чекловлар вақтинча, 31 августга қадар олиб ташланди. Бироқ немис расмийлари касалланиш кўпайган тақдирда уларни қайтариш мумкинлигини истисно қилмайди.
