Bu haqda xonanda o‘zining Instagram’dagi sahifasida ma’lum qilgan. Videoda ular bilan yana bir sirli inson ham borligi aytilgan. Ammo uning kimligi haqida ma’lumot ochiqlanmagan.
“Borib tinchlantirib kelmasam bo‘lmaydi. San’at bilan hammayoq yarashib ketsa, ne ajab?”, — deya hazilomuz gapirgan Y.Usmonova.
Bugun erta tongda boshlangan Rossiya va Ukraina o‘rtasidagi nizoli vaziyatdan so‘ng xonandaning qayerdaligi ko‘pchilikni qiziqtirdi.
Xo‘sh, Usmonova safardan qaytdimi? Hozir u qayerda? Uning Instagram sahifasidagi postlaridan bilish mumkinki, xonanda kecha Kiyevdan qaytgan. U allaqachon Xalqlar do‘stligi san’at saroyida bo‘lib o‘tadigan konsert dasturiga tayyorgarlikni boshlab yuborgan. Yulduz Usmonovaga Botir Qodirov va “Navruz” raqs ansambli hamrohlik qilmoqda.