Italiyaning markaziy Umbria mintaqasida Yevropadagi eng baland ko‘prik qurildi. U yer sathidan 175 metr balandlikda joylashgan bo‘lib, uzunligi 517,5 metrga yetadi, unga chiqish uchun 1023 ta zinapoya bo‘ylab ko‘tarilish kerak.
Ushbu inshoot Sellano va Montesanto qishloqlarini bog‘laydi. Uni kesib o‘tish uchun 30 dan 45 daqiqagacha vaqt ketadi. Zinapoyalar orasidagi masofa adrenalin oqimini oshiradi va uni yengish katta jasora talab qiladi.
Ko‘prikdan o‘tishga qaror qilganlar xavfsizlik kamarlari bilan taʼminlanadi. Tashrif buyuruvchining bo‘yi kamida 120 santimetr bo‘lishi, ruhiy va jismoniy salomatligi yaxshi, balandlikdan qo‘rqmasligi kerak. Ko‘prik yil davomida ishlaydi va chipta narxi 25 yevro.