Dunyoga mashhur futbol yulduzlarining to‘p tepishdan boshqa o‘ziga xos sevimli mashg‘ulotlari bor. Quyida bu haqda qiziqarli maʼlumotlarni bilib olishingiz mumkin.
Garet Beyl
“Real Madrid”ning sobiq futbolchisi golf o‘yini jinnisi hisoblanadi. Hatto, uni do‘stlari Golfer laqabi bilan atashadi. “Real”dagi jamoadoshlari ham uni shunday chaqirishgan.
Serxio Ramos
Ramosning kolleksiyasida “Benksi”, “Fil Frost”, “Manuel Leon Moreno” asarlari mavjud. U bu sanʼat asarlariga qiziqishini ijtimoiy tarmoqdagi sahifalaridan ham bilib olish mumkin.
Hektor Bellerin
Bellerin jahon futbolida moda olamiga qiziqishi yuqori bo‘lgan o‘yinchilardan biri. U tez-tez moda shoulariga tashrif buyuradi. Hatto futbolchi o‘zining shaxsiy kolleksiyasini yaratgan.
Frenk Lempard
Lempard bolalar uchun kitob yozishni yaxshi ko‘radi. U bir qator nashrlarning muharrirlari bilan kitoblar ustida ishlaydi.
Tomas Myuller
Myullerning otxonasi bor. U ko‘plab shaxsiy otlarga egalik qiladi. Hayvonlarni ko‘chirishdagi qiyinchilik tufayli Myuller klubini almashtirish haqida umuman o‘ylamaydi.
Petr Chex
Chex nafaqat ajoyib darvozabon, balki yaxshi barabanchi ham. Faoliyatining oxirida mashhur barabanchi Rojer Teylor bilan birga baraban chalishga muvaffaq bo‘lgan edi.