ЖЧ-2022: Жаҳон чемпионати ҳақида қизиқарли маълумотлар

 

Қатарда бўлиб ўтадиган жаҳон чемпионатига ҳам оз фурсат қолди. У 2022 йил 21 ноябрда расман старт олади. Кўплаб жамоалар турнирнинг финал босқичига йўлланмани қўлга киритишди. 2022 йилги жаҳон чемпионатида бизни кўплаб ёрқин ва ажойиб ўйинлар кутиб турибди. Аммо, турнирга янада қизиқишни кучайтирадиган бир нечта қизиқарли фактлар мавжуд. Улар ҳақида қуйида маълумотларга эга бўлишингиз мумкин.

 

1.  Жаҳон чемпионати ўз тарихида биринчи марта ёзда эмас, куз ва қиш фаслида ўтказилади. Очилиш ўйини 21 ноябрда, финал эса 2022 йил 18 декабрда бўлиб ўтади. Бундан ташқари, 2022 йилги жаҳон чемпионати Яқин Шарқда ўтказиладиган биринчи жаҳон чемпионати ҳисобланади.

 

2.  Қатардаги ЖЧ-2022 32 жамоа иштирокидаги сўнгги жаҳон чемпионати бўлади. 2026 йилдан бошлаб иштирокчилар сонини 48 та жамоага етказишга қарор қилинди.

 

3.  Қатар терма жамоаси тарихда илк бор турнирнинг финал босқичида иштирок этади. Жамоа 2022 йилги жаҳон чемпионатига мезбон давлат сифатида саралаш босқичидан ўта олмай чиқди.

 

4.  Ўйинлар Қатарнинг бешта шаҳрида жойлашган саккизта стадионда ўтказилади. Иссиқликка қарши курашиш учун ташкилотчилар барча ареналарда ҳароратни 27 даражадан юқори бўлмаган ҳолатда ушлаб турадиган ҳаво совутиш тизимларини ўрнатишга ваъда беришган.

 

5.  Спиртли ичимликларга оид қонунларга қарамай, Қатар турнир давомидаги тақиқни қисман олиб ташлайди. Мамлакатда спиртли ичимликларни сотиш ва истеъмол қилиш қонунийлаштирилади. Бироқ мухлислар кучли ичимликларни фақат махсус зоналарида харид қилишлари мумкин бўлади.

 

6.  ЖЧ-2022 ўйинларига фақат коронавирусга қарши эмланган мухлислар ташриф буюриши мумкин.

 

7.  2022 йилги жаҳон чемпионати олдидан таҳлилчилар замонавий ишланмалардан фаол фойдалана бошладилар. Мисол учун, суперкомпютер ёрдамида жамоаларнинг ўйинларда қатнашиш имкониятлари аллақачон баҳоланган. Бундан ташқари, ўйиннинг аниқ ҳисобини башорат қиладиган роботлар (сунъий интеллект) ҳам қўлланилади. Бироқ, бундай прогнозларга 100% ишониш ҳали ҳам тавсия этилмайди.

 

8.  Стадионлар орасидаги максимал масофа 56 км. Барча мухлислар бир аренадан иккинчисига бир соатдан кўп бўлмаган вақт ичида етиб олишлари мумкин.

 

9.  2022 йилги Жаҳон чемпионати учун чипталар сотуви аллақачон бошланган. Энг қиммат чиптанинг нархи 48 802 евро.