Жиззахда 175 дона «судак» ноқонуний овланди
Табиатга етказилган зарар миқдори қарийб 58 млн сўмни ташкил этган.
Экология, атроф-муҳитни муҳофаза қилиш ва иқлим ўзгариши вазирлиги маълумотларига кўра, Жиззах вилояти Айдар-Арнасой кўллар тизими, Тузкон бўлими ҳудудида ўтказилган рейдда Ш. М. томонидан саноатбоп ўлчамдан кичик бўлган жами 175 бош оқсила (судак) балиқлари ноқонуний равишда овлангани аниқланган.
Оқибатда ҳайвонот дунёсига 57 миллион 750 минг сўм зарар етказилганлиги маълум бўлди.
Қайд этилишича, ашёвий далил сифатида ноқонуний равишда овланган балиқ маҳсулотлари ҳамда 1 дона «Progress» русумли қайиқ ва 1 дона «Yamaha-30» русумли қайиқ моторлари олиб қўйилган.
Шунингдек, ушбу ҳолатда жиноят аломатлари борлиги сабабли тўпланган ҳужжатлар Жиззах вилоят прокуратурасига юборилган.
