Жокович “Ролан Гаррос” турнирининг чорак финалига тайёр
Дунёнинг биринчи рақамли теннисчисига испаниялик Рафаэл Надал рақиблик қилади.
«Катта Дубулға» туркумига кирувчи турнирларнинг 20 карра чемпиони, жаҳоннинг биринчи рақамли теннисчиси, сербиялик Новак Жокович Франция очиқ чемпионатининг чорак финалидаги имкониятлари ҳақида гапирди.
“Мен мазкур баҳсга тайёрман. Ўзимга бўлган ишончим юқори даражада. Беллашувда керак бўлган барча жиҳатларга эътибор қаратаман. Мени кўпроқ рақибимнинг имкониятлари қизиқтирмоқд», - дея Новак Жоковичнинг сўзларидан АТП матбуот хизмати иқтибос келтирди.
Эслатиб ўтамиз, Жоковичнинг бу босқичдаги рақиби АТП рейтингининг собиқ етакчиси, турнирнинг тўртинчи раундида канадалик Феликс Аугер-Алиассимени мағлуб этган испаниялик Рафаэл Надал бўлади.
