Oliy Majlis Qonunchilik palatasining navbatdagi majlisida «O‘zbekiston Respublikasi Konstitusiyasi to‘g‘risida»gi O‘zbekiston Respublikasi Konstitusiyaviy qonuni loyihasi muhokamasi boshlandi.
Majlisda Konstitutsiyaning moddalari amaldagi 128 tadan 155 taga ko‘payib, normalari 275 tadan 434 taga oshgani, yaʼni, Asosiy qonunimizning 65 foiz matni xalqimiz takliflari asosida yangilangani, inson huquq va erkinliklariga oid qoidalar uch yarim baravarga ko‘paygani hamda shulardan kelib chiqib, loyihani yangi tahrirdagi Konstitutsiya sifatida qabul qilish uchun barcha asoslar yetarli ekanligi taʼkidlandi.
Konstitutsiyaviy islohotlarning mazmun-mohiyati yuzasidan AQSH, Buyuk Britaniya, Shveysariya, Polsha, Yaponiya, Janubiy Koreya va Hindiston kabi davlatlarda konferensiya va davra suhbatlari o‘tkazilgan.
Unda ishtirok etgan siyosiy doira vakillari va yetakchi ekspertlar o‘z takliflarini bildirgan.