Мадридда Мбаппенинг тасвири туширилган шарфлар сотувга чиқди
Мадрид жамоаси Мбаппе билан шартнома имзолашни яқин ҳафталарда якунламоқчи.
"ПСЖ" ҳужумчиси Килиан Мбаппе француз клубини тарк этиб, "Реал"га ўтиш эҳтимоли юқори.
Ижтимоий тармоқларда “Сантяго Бернабеу” стадионидаги савдо нуқталарида сотилаётган Франция терма жамоаси футболчиси сурати туширилган Мадрид жамоаси шарфлари суратлари чоп этилди.
Эслатиб ўтамиз, аввалроқ 25 ёшли Килиан Мбаппе "Реал" билан шартноманинг якуний тафсилотлари бўйича келишиб олгани ҳақида хабар берилганди. Шартнома 2024 йил 1 июлдан кучга киради. Мадрид жамоаси Мбаппе билан шартнома имзолашни яқин ҳафталарда якунламоқчи, бироқ унинг трансферини фақат мавсум тугаганидан кейин эълон қилади.
Мбаппе 2017 йилдан бери "ПСЖ"да ўйнаб келмоқда. 25 ёшли футболчи парижликлар билан 13 та соврин ютган. Жорий мавсумда форвард барча турнирларда 32 та ўйин ўтказиб, 32 та гол урди ва 7 та голли узатмага муаллифлик қилди.
