Amerikalik mashhur tadbirkor Ilon Mask Prezident Donald Tramp tomonidan qo‘llab-quvvatlangan respublikachilarning xarajatlar bo‘yicha qonun loyihasini keskin tanqid ostiga oldi.
X ijtimoiy tarmog'idagi sahifasida u qonunni “juda jirkanch ish” deb atadi.
“Kechirasiz, lekin men endi buni ko‘tara olmayman. Bu katta xarajatlar loyihasi – bu jirkanchlik. Unga ovoz berganlarning barchasi uchun bu sharmandalikdir: siz noto‘g‘ri ish qilayotganingizni bilasiz”, – deb yozdi milliarder.
Maskning fikricha, ushbu qonunning qabul qilinishi natijasida AQSh byudjetidagi allaqachon katta bo‘lgan taqchillik 2,5 trillion dollargacha ortadi va mamlakat fuqarolari barqaror qarz og‘irligiga duch keladi.
Avvalroq Oq uy Ilon Mask AQSh prezidenti Donald Tramp ma’muriyatidagi vaqtincha lavozimidan ketayotganini ma’lum qilgandi. U Amerika hukumati samaradorligini oshirish departamenti (DOGE) ishini nazorat qilgan. Bu qaror Mask CBS telekanaliga bergan intervyusida Vakillar palatasining xarajatlarni qisqartirish bo‘yicha qonun loyihasini tanqid qilganidan bir kun o‘tib e’lon qilingan.