“Сергелидаги кўприк муаммоси ижтимоий тармоқларда тарқалганидан кейин унга ечим берилди” — Президент

Президент раислигида ўтказилаётган видеоселектор йиғилишида фуқаролар мурожаатлари билан ишлашдаги камчиликлар муҳокама қилинди.

 

Маълум қилинишича, Тошкент шаҳрида 170 минг ва Тошкент вилоятида 110 минг мурожаатнинг ярмидан кўпи ечимини топмаган. Сурхондарё, Самарқанд, Тошкент шаҳрида такрорий мурожаатлар кўпайган.

 

Бундан ташқари, йиғилишда фуқаро январь ойида мактаб ўқувчиси Сергелидан оқиб ўтадиган Жунариқ каналига тушиб кетганини айтиб, мурожаат қилганига тўхталиб ўтилди. Бироқ икки ой давомида мазкур мурожаатга бирорта масъул эътибор қаратмагасдан, юзаки жавоб бергани танқид қилинди.

 

Ҳолат ижтимоий тармоқларда кенг тарқалганидан кейингина кўприкни тиклаш учун маблағ ажратилиб, қурилиш ишлари амалга оширилгани қайд этилди.

 

Шунингдек, бундай ҳолатлар фуқаролар мурожаатлари билан ишлаш тизимидаги жиддий камчилик сифатида баҳоланиб, мурожаатларга бефарқ муносабат фуқароларнинг давлат идораларига бўлган ишончига салбий таъсир кўрсатиши таъкидланди.