Ўзбекистон ва Озарбайжон раҳбарлари телефон орқали мулоқот қилди
Президент Шавкат Мирзиёев Озарбайжонга учувчисиз дрон ҳужумларини қоралади.
Ўзбекистон Президенти Шавкат Мирзиёев 5 март куни Озарбайжон Президенти Илҳом Алиев билан телефон орқали мулоқот қилди.
Сўҳбат аввалида давлат раҳбари Озарбайжон ҳудудига учувчисиз учиш аппарати билан уйуштирилган ҳужумларни кескин қоралаб, жароҳат олганларнинг тез фурсатда соғайиб кетишини тилади.
Сўнгги кунларда Яқин Шарқ минтақасида кузатилаётган кескинликнинг авж олиши кўплаб тинч аҳолининг қурбон бўлишига олиб келаётгани ва жиддий хавотир уйғотаяпти, алоҳида қайд этилди.
Муборак Рамазон ойида рўй берaётган бундай воқеалар умуминсоний қадриятларга, халқаро нормалар ва давлатларнинг ҳудудий яхлитлиги тамойилларига зид экани таъкидланди.
Ўзбекистон етакчиси ўзбекистонликларни Эрондан Озарбайжон ҳудуди орқали хавфсиз эвакуация қилиш бўйича кўрилaётган чоралар ва яратилаётган шароитлар учун Илҳом Алиевга миннатдорлик билдирди.
Озарбайжон Президенти эса ўз навбатида Ўзбекистон раҳбарига дўстона сўҳбат ва синовли дамларда кўрсатилган қўллаб-қувватлов учун алоҳида ташаккур изҳор этди.
