“Месси кейинги жаҳон чемпионатида ҳам иштирок этиши керак”
Ди Мария жамоадоши ҳақида гапирди.
“Ювентус” ва Аргентина терма жамоаси ярим ҳимоячиси Анхел Ди Мария “ПСЖ” ҳужумчиси Лионел Месси 2026 йилги жаҳон чемпионатида иштирок этиши керак, деб ҳисоблайди.
“Мен энди навбатдаги жаҳон чемпионатини орзу қилмайман. Мен кейинги Америка кубогига ишонаман, у ерда бўлиш учун бор кучимни ишга соламан. Лекин, Месси кейинги жаҳон чемпионатида иштирок этиши керак. Бу Месси. У етти марта “Олтин тўп”ни, Чемпионлар лигасини қўлга киритган, “Барселона” билан ҳамма совринни ютган. У тарихдаги энг яхши футболчи. Америка Кубогига чиқиш учун Европада ўйнашда давом этиш жуда муҳим, акс ҳолда Скалони сизни олиб кетмайди”, — деди Ди Мария.
Эслатиб ўтамиз, Ди Мария Аргентина терма жамоаси таркибида Месси билан бирга 2022 йилги жаҳон чемпионатида ғолиб чиққан эди. Турнирнинг финал учрашувида жамоа Франция терма жамоасини пенальтилар церийасида мағлуб этди.
