“Nadya” sikloni tufayli Moskvada qor qalinligi 50 sm.gacha yetishi kutilmoqda.
Bu haqda Fobos ob-havo markazi yetakchi xodimi Yevgeniy Tishkoves xabar qildi. Uning taʼkidlashicha, bu 1956 yilgi rekord darajaga yaqin.
Mutaxassisning aniqlik kiritishicha, yaqin bir sutkada Moskva hududida 4 mm.gacha yog‘ingarchilik kuzatiladi, ko‘rish qobiliyati 1 km.gacha qisqaradi. U ikki sutkada 10 mm yog‘ingarchilik kuzatilishi va bu ¼ oylik meʼyor ekanini aytmoqda.
“Bunday qor yog‘ishi albatta o‘z izini qoldiradi va poytaxtda qor qalinligi 1956 yildan beri birinchi marta 50-52 sm.ga yetadi. O‘shanda qor qatlami 56 sm bo‘lgan”, - deb yozgan sinoptik o‘zining Instagram sahifasida.
Mutaxassis Moskvada noqulay ob-havo seshanba kuni cho‘qqisiga yetishi va 1 fevral kuni qor yog‘ishi kuchayishini aytmoqda. Prognozlarga ko‘ra, yog‘ingarchilik hafta o‘rtasiga kelib pasayadi va shanba kunigacha tinishi kutilmoqda.
Avvalroq Germaniyaga “Nadya” sikloni hujumi oqibatida 6 kishi halok bo‘lgani haqida xabar berilgandi.