Moskva meri Sergey Sobyanin Rossiya poytaxtiga yaqinlashayotgan ikkita jangovar dron urib tushirilganini maʼlum qildi. Ular havo hujumidan mudofaa tomonidan yo‘q qilingan.
Sobyaninning ytishicha, dronlar Domodedovo va Minsk trassasi yaqinida urib tushirilgan.
“Shahar uzra ikkita jangovar uchuvchisiz samolyot uchib o‘tishga urindi. Har ikkisi ham havo mudofaasi tomonidan yo‘q qilindi. Hozirgacha dronlar haqida maʼlumot yo‘q. Favqulodda xizmatlar voqea joyida ishlamoqda”, — deb yozdi u.
Moskva aholisi mahalliy soat 3:00 atrofida baland tovushlarni eshitganliklarini xabar qilishdi.
Shuningdek, tarmoqda Moskvaga uchuvchisiz samolyot hujumi paytida tasvirga olingani aytilayotgan video eʼlon qilingan.