Ijtimoiy tarmoqda Namangan viloyati Mingbuloq tumanidagi do‘kondan kiyim-kechak o‘g‘irlagan ayol sotuvchilar tomonidan samosud qilinayotgani tasvirlangan video tarqaldi.
Maʼlum bo‘lishicha, voqea 14-iyul kuni Mingbuloq tumani Jomasho‘y shaharchasida sodir bo‘lgan. Ayol taxminan 1 mln 190 ming so‘mlik kiyimlarni ustma-ust kiyib, do‘kondan chiqib ketayotgan paytda ushlangan.
Holat bo‘yicha Mingbuloq tumani ichki ishlar bo‘limi huzuridagi tergov bo‘limi tomonidan jinoiy ish qo‘zg‘atilgan.