Hujjatda alyans tarixi, Shimoliy Atlantika shartnomasi va Ottava shartnomasi (piyodalarga qarshi minalarni taqiqlash to‘g‘risida) mazmuni, shuningdek, Finlandiyaning NATOga a’zo bo‘lishi bo‘yicha olib borilgan muzokaralarning qisqacha mazmuni, faoliyati , NATOning vazifalari va qaror qabul qilish jarayoni qayd etilgan.
Finlandiya hukumati “hozirgi qonunchilik Finlandiyaga Shimoliy Atlantika shartnomasi va Ottava shartnomasiga qo‘shilish imkonini beradi hamda bundan kelib chiqadigan majburiyatlar milliy qonunchilikka zudlik bilan o‘zgartirishlar kiritishni talab qilmaydi” degan xulosaga kelgan.
Finlandiya va Shvetsiya 2022-yilning may oyida NATOga a’zo bo‘lish uchun ariza bergan. Ammo bu jarayon Turkiyaning qarshiliklariga duch keldi, Anqara Xelsinki va Stokgolmni terrorchi deb tan olingan shaxslarga boshpana berishda aybladi. Turli darajadagi bir qator muzokaralardan so‘ng ikki Skandinaviya davlatining ittifoqqa qo‘shilishi yo‘lidagi to‘siqlarni bartaraf etish bo‘yicha kelishuvlarga erishildi.
Hozirga qadar NATOga a’zo 30 ta davlatdan 28 tasi Finlandiyaning qo‘shilishini ratifikasiya qilgan. Vengriya va Turkiya parlamentlari hujjatni hozircha ma’qullamagan.