O‘zbekiston texnologiyali metallar kombinati (TMK) va gidrometallurgiya yo‘nalishida dunyoda yetakchi hisoblangan KU Leuven Solvomet Group o‘rtasida hamkorlik shartnomasi imzolandi. Bu haqda TMK matbuot xizmati maʼlum qildi.
Bryussel shahri markazida o‘tkazilgan imzolash marosimi sanoat sohasida yangi bosqichni boshlab berdi. Hamkorlik doirasida TMKda reniy metall tuzlari ishlab chiqarish hajmi oshirilishi, shuningdek, kritik minerallarni ajratib olish bo‘yicha zamonaviy gidrometallurgiya yechimlari joriy etilishi rejalashtirilgan.