Ўзбекистон мобиль телефонларни энг кўп импорт қилган давлатлар маълум бўлди
Статистика жорий йил январдан қанча аҳоли интернет тармоғига уланганини ҳам очиқлади.
Қайд этилишича, 2021 йилнинг октябрь ойида Ўзбекистон хориждан қиймати 20,9 млн AҚШ долларига тенг бўлган 303 303 дона мобиль телефон импорт қилган.
Рақамлар таққосланганда октябрь ойида импорт қилинган мобиль телефонлар сони сентябрь ойига нисбатан 5 460 тага ортган. Шунингдек, 2020 йилда 345 431 дона уяли ва бошқа симсиз алоқа тармоғи учун телефонлар ишлаб чиқарилган.
Бундан ташқари, Ўзбекистонда 2021 йилнинг 1 январь ҳолатига кўра, интернет тармоғига уланган абонентлар сони қарийб 20 млнни ташкил қилган.
Шунингдек, Ўзбекистон 14 та давлатдан мобиль телефонлар импорт қилган.
Ўзбекистон мобиль телефонларни энг кўп импорт қилган давлатлар:
🔹Хитой – 79,5 млн
🔹Вьетнам – 60 млн
🔹Ҳиндистон – 7,2 млн
🔹Қозоғистон – 5,3 млн
🔹БАА – 1,4 млн
🔹Германия – 647 минг
🔹Россия – 175,8 минг АҚШ доллари
Эслатиб ўтамиз, аввалроқ Ўзбекистон Италиядан қаҳва импорти ҳажмини оширгани ҳамда 2021 йилнинг январь-июль ойларида хориждан Ўзбекистонга қиймати 85 млн АҚШ долларига тенг бўлган 1,7 млн тонна цемент импорт қилингани тўғрисида хабар берилганди.
Чўлпоной Аҳмедова
