Hindistonlik shifokorlar O‘zbekistonda ilk bor noyob jarrohlik operatsiyasini o‘tkazadi.
Shu kunlarda "Aakash Healthcare" ixtisoslashtirilgan shifoxonasi jarrohlar guruhi mazkur kompaniyaning Toshkent shahridagi ko‘p tarmoqli filialida innovatsion jarrohlik kunlarida qatnashmoqda.
Shifoxona boshqaruvchi direktori doktor Aashish Chaudhri boshchiligidagi to‘qqiz nafar yuqori malakali jarroh 17-19 avgust kunlari keng ko‘lamli operatsiyalarni o‘tkazmoqda.
Ushbu jarayonda 30 dan ortiq operatsiya o‘tkazish rejalashtirilgan va ularning 28 tasi ortopediya yo‘nalishiga taalluqli bo‘ladi.
“O‘zbekistonda birinchi marta ikki tomonlama sonni almashtirish operatsiyasi o‘tkaziladi va mazkur amaliyot zamonaviy ilg‘or tibbiyot namunasiga aylanadi”, deyiladi xabarda.
“Ushbu murakkab operatsiyalarga tayyorgarlik 7-8 oy davom etdi. Mazkur tibbiy amaliyotlar O‘zbekiston sog‘liqni saqlash tarixida yangi bosqichni boshlab bermoqda", – deya qo‘shimcha qildi doktor Aashish Chaudhri.
