2026-yilda O‘zbekistonda ilk bor Xalqaro informatika olimpiadasi o‘tkaziladi. Bu haqda Raqamli texnologiyalar vaziri Sherzod Shermatov maʼlum qildi.
Taʼkidlanishicha, O‘zbekiston delegatsiyasi 2026-yilda O‘zbekistonda ushbu olimpiadani o‘tkazish uchun ariza bergan. Komissiya aʼzolari esa IOI 2026 yilda O‘zbekistonda o‘tkazilishini maʼqullaganini eʼlon qildi.
Vazirga ko‘ra, olimpiadani yuqori saviyada o‘tkazish uchun tayyorgarlik ko‘riladi.
Eslatib o‘tamiz, o‘zbekistonlik o‘quvchilar Dilyorbek Valijonov va Dilshodbek Xo‘jayev ilk bor Xalqaro informatika olimpiadasida g‘alaba qozongandi.