Ўзбекистонда узумнинг янги навлари етиштирилади
Бу бўйича Корея билан ҳамкорлик қилинади.
“TNS Global Group” компанияси қишлоқ хўжалигида янги навларни яратиш, экспортбоп маҳсулотларни етиштириш бўйича технологияларни ишлаб чиққан.
Қайд этилишича, Ўсимликлар карантини ва ҳимояси агентлигида Корея Республикасининг "TNS Global Group” компанияси вакиллари билан учрашув ўтказилган.
Мулоқот давомида компания вакиллари Ўзбекистонга ташриф доирасида Ўзбекистоннинг қишлоқ хўжалиги маҳсулотларининг экспорт салоҳияти билан танишганини маълум қилди.
“TNS Global Group” компанияси – қишлоқ хўжалигида янги навларни яратиш, экспортбоп маҳсулотларни етиштириш билан шуғулланади. Корхона бу борада катта тажрибага эга бўлиб, навларни танлашдан тортиб қуритишгача бўлган технологияни ишлаб чиққан.
