«Ўзбекконцерт» Лолани "тартибга чақириб қўйди"

Бир неча кун олдин «Ниҳол» мукофоти совриндори Лола Йўлдошеванинг клип премьераси пайтида саҳнадаги кийиниш маданияти ижтимоий тармоқ фойдаланувчилари томонидан турли муҳокамаларга сабаб бўлди.

Ҳолатга ойдинлик киритиш мақсадида жорий йилнинг 18 апрель куни хонанда «Ўзбекконцерт» давлат муассасасига таклиф этилиб, ҳолат юзасидан суҳбат олиб борилган. Хонандага яна бир марта лицензия талаблари эслатилган.

Лола бундай вазиятда ташкилот хонанданинг манфаатларини ҳимоя қилиши кераклигини билдириб ранжиган.

Шу ўринда, «Ўзбекконцерт» давлат муассасаси барча санъаткорлардан саҳна маданиятига риоя этишларини сўраб мурожаат қилган: Ўзбекистон Республикаси “Маданий фаолият ва маданият ташкилотлари тўғрисида”ги Қонунининг 21-моддаси ва Вазирлар Маҳкамасининг 2022 йил 21 февралдаги 80-сон қарори билан тасдиқланган “Махсус электрон тизим орқали айрим фаолият турларини лицензиялаш тартиби тўғрисида ягона Низом” билан тасдиқланган паспортнинг лицензия талаб ва шартларида: “концерт-томоша тадбирларида ижрочиларнинг одоб-ахлоқ қоидаларига, саҳна маданияти, ташқи кўриниш маданиятига зид бўлган хатти-ҳаракатларни ҳамда томошабинларнинг ҳис-туйғуларини ҳақорат қилмаслик каби вазифалар белгиланган.