Qozog‘istonda vaqtincha mehnat faoliyatini amalga oshirayotgan chet davlatlar fuqarolaridan 2023 yil 10 noyabrdan 21 noyabrgacha mamlakat chegarasida hujjatlarsiz, yaʼni hujjati bo‘lmagan yoki migratsiya qonunchiligini buzgan fuqarolarning tark etishini so‘radi mazmunidagi xabarlar tarqaldi va keng muhokamalarga sabab bo‘lgan.
Tashqi mehnat migratsiyasi agentligi ushbu xabarlarni rad etgan va haqiqatga to‘g‘ri kelmasligi bildirgan.
«Qozog‘iston hukumatining 2022 yil 31 dekabrdagi 1146-sonli qaroriga asosan, O‘zbekiston fuqarolari Qozog‘iston davlat chegarasini kesib o‘tgan kundan boshlab, 30 kungacha bo‘lib turishi mumkin. Ammo, umumiy bo‘lish muddati 180 kalendar kuni davomida 90 kalendar kunidan ko‘p bo‘lmasligi kerak, yaʼni fuqaro uzluksiz 90 kalendar kunidan ortiq Qozog‘istonda bo‘lib turish mumkin emas», — deya agentlik eslatib o‘tgan.
Qozog‘istonga ishlash maqsadida borayotgan O‘zbekiston fuqarolari uchun 30 kun ichida ish beruvchi bilan mehnat shartnomasini tuzgach, uni Xalqqa xizmat ko‘rsatish markazida ro‘yxatga kiritib, uch oygacha bo‘lgan muddat uchun ishlash va yashash uchun ruxsatnoma olish yoki salohiyatli ish beruvchilar tomonidan kvota asosida ishga jalb qilish tartibi mavjud.