Armaniston bosh vaziri Nikol Pashinyan Qorabog‘dagi vaziyatni o‘ta og‘ir deb atadi. Bu haqda u hukumat majlisida gapirgan.
Bosh vazir Rossiya tinchlikparvar kuchlariga bir qator savollar borligini aytgan. Xususan, Pashinyan Moskva harbiylaridan vaziyatni keskinlashishiga olib keladigan har qanday vaziyatni oldini olinishini kutayotganini taʼkidlagan.
“Armaniston harbiylari Tog‘li Qorabog‘da xizmat qilmayapti”, – degan u.
Maʼlumot o‘rnida: 3 avgust kuni Qorabog‘da vaziyat yana keskinlashdi. Ozarbayjon o‘z harbiylarining Lochin koridorida noqonuniy tuzilmalar tomonidan o‘qqa tutilganini maʼlum qilgan. shundan keyin Boku maxsus amaliyot o‘tkazgan va hududdagi bir qator tepaliklarni nazoratga olgan.
Har ikki tomon bir-birini 2020 yil 9 noyabrdagi uch tomonlama kelishuvni buzishda aylamoqda.