Polsha va Litva Belarusda “vagneritlar” borligidan xavotirlanib, ushbu mamlakat bilan chegaralarini yopishi mumkin. Bu haqda Litva ichki ishlar vaziri o‘rinbosari Arnoldas Abramavichyus ma’lum qildi.
Avvalroq Litva o‘zining g‘arbiy ittifoqchilarini "Vagner" yollanma askarlari boshpana izlovchilar qiyofasida o‘zini ko‘rsatishi, Yevropa Ittifoqiga a’zo davlatlar bilan Belarus chegarasini kesib o‘tishga urinishi yoki qochqinlar ishtirokida provokatsiyalar uyushtirishi mumkinligi haqida ogohlantirgan edi.
“Vagnerchilar” Belarusga o‘yin-kulgi uchun kelishmagan. Ular har xil ko'ngilsizliklarni, birinchi navbatda, Polshaga qarshi uyushtirish uchun u yerda", — dedi Polsha hukmron partiyasi raisi Yaroslav Kachinskiy.
Kachinskiyning qo‘shimcha qilishicha, Polsha o‘zining mudofaa qobiliyatini “bu provokatsiyalar mag‘lub bo‘lishi uchun” kuchaytirmoqda.
