&nbsp;
Muhtaram vatandoshlar!
&nbsp;
Siz, azizlarni, barcha mo&lsquo;min-musulmon yurtdoshlarimizni, butun xalqimizni ulug&lsquo; va mo&lsquo;tabar ayyom &ndash; Qurbon hayiti bilan chin qalbimdan samimiy muborakbod etib, o&lsquo;zimning yuksak hurmatim va ezgu tilaklarimni bildirishdan g&lsquo;oyat mamnunman.
&nbsp;
Jamiki islom ummati uchun qadrli bo&lsquo;lgan ushbu shukuhli bayram &ndash; Iyd al-Adhoni el-yurtimiz bilan birgalikda tinch va osoyishta muhitda kutib olayotganimiz uchun, avvalo, mehribon va qudratli Alloh taologa behisob shukronalar aytamiz.
&nbsp;
Hech shubhasiz, keyingi yillarda Yangi O&lsquo;zbekistonda ijtimoiy, xalqchil davlat barpo etish, uning ma&rsquo;naviy asoslarini mustahkamlash va ta&rsquo;sirchanligini oshirishda muqaddas islom dini, uning asosiy bayramlaridan biri bo&lsquo;lgan Qurbon hayiti ham muhim rol o&lsquo;ynamoqda.
&nbsp;
Ayniqsa, bu bayramning insonparvarlik, ahillik, saxovat va olijanoblik kabi fazilatlari yurtimizda &ldquo;Inson qadri uchun, inson baxti uchun&rdquo; degan ezgu g&lsquo;oya asosida amalga oshirilayotgan keng ko&lsquo;lamli islohotlarga uyg&lsquo;un va hamohang bo&lsquo;lib, aholining ehtiyojmand qatlamlarini qo&lsquo;llab-quvvatlash, keksalar, yoshlar va xotin-qizlar haqida alohida g&lsquo;amxo&lsquo;rlik ko&lsquo;rsatish, kambag&lsquo;allikni qisqartirishga qaratilgan dasturlarimiz samarasini oshirishga xizmat qilayotganini alohida ta&rsquo;kidlash o&lsquo;rinlidir.
&nbsp;
Aziz do&lsquo;stlar!
&nbsp;
Bugungi kunda mamlakatimizda turli millatlar va diniy konfessiyalar o&lsquo;rtasidagi hamjihatlikni mustahkamlash, vijdon erkinligini ta&rsquo;minlash, diniy-ma&rsquo;rifiy merosimizni asrab-avaylash, yosh avlodni milliy va umumbashariy qadriyatlar ruhida tarbiyalash bo&lsquo;yicha ulkan ishlar amalga oshirilmoqda.
&nbsp;
Bu haqda so&lsquo;z yuritganda, islom dinining ezgu tamoyillarini chuqur o&lsquo;rganish, buyuk tariximiz va madaniyatimiz durdonalarini, mashhur allomalarimizning boy merosini to&lsquo;plash va keng targ&lsquo;ib etishga alohida e&rsquo;tibor qaratilayotganini ta&rsquo;kidlash lozim. Jumladan, ko&lsquo;hna Sharq mo&lsquo;jizasi &ndash; Samarqand shahri 2025-yilda islom madaniyati poytaxti, deb e&rsquo;lon qilindi, ulug&lsquo; vatandoshimiz Imom Moturidiyning 1155-yillik tavallud sanasi yurtimiz bo&lsquo;ylab keng nishonlanmoqda, Imom Buxoriy, Imom Moturidiy va Imom Termiziy xalqaro ilmiy-tadqiqot markazlari qatoriga, shu yil Buxoro shahrida o&lsquo;z faoliyatini boshlaydigan Bahouddin Naqshband ilmiy-tadqiqot markazi ham qo&lsquo;shildi.
&nbsp;
Poytaxtimiz Toshkent shahrida bunyod etilayotgan Islom sivilizatsiyasi markazi ilmiy-ma&rsquo;naviy yo&lsquo;nalishdagi ulkan va noyob loyiha sifatida el-yurtimiz va xalqaro jamoatchilikda katta qiziqish uyg&lsquo;otmoqda. Bu muazzam maskan ko&lsquo;p ming yillik qadimiy tariximiz, boy va betakror milliy madaniyatimizning yorqin timsoli sifatida Yangi O&lsquo;zbekiston hayotidagi g&lsquo;oyat muhim voqeaga aylanadi, deb ishonaman.
&nbsp;
Hurmatli yurtdoshlar!
&nbsp;
Shu saodatli kunlarda 15 ming nafar vatandoshimiz muqaddas haj ziyoratini ado etmoqda. Ezgu duo va niyatlar ijobat bo&lsquo;ladigan mana shunday munavvar lahzalarda ularni ham Qurbon hayiti bilan samimiy qutlab, Yaratgandan yurtimizga sog&lsquo;-omon qaytib kelishlarini so&lsquo;raymiz.
&nbsp;
Umid qilamizki, muhtaram hojilarimiz jamiyatimizda birdamlik, oila va mahallalarimizda mehr-oqibat muhitini yanada mustahkamlash, yoshlarimiz tarbiyasini kuchaytirish, ularni ilm-ma&rsquo;rifatga, zamonaviy kasb-hunarlarni egallashga, Vatan himoyachisi bo&lsquo;lishga targ&lsquo;ib etish, muhtoj insonlarga ko&lsquo;mak berishda alohida ibrat va namuna ko&lsquo;rsatadilar.
&nbsp;
Qalblarimiz quvonchga to&lsquo;lgan ushbu fayzli kunlarda xorijiy davlatlarda bo&lsquo;lib turgan vatandoshlarimizni ham bugungi ulug&lsquo; ayyom bilan chin dildan qutlab, ularga sog&lsquo;lik-omonlik, baxt va omad tilaymiz.
&nbsp;
Jahonning uzoq-yaqin o&lsquo;lkalaridagi musulmon ummatini ham qizg&lsquo;in tabriklab, ularning xalqlari va mamlakatlariga tinchlik, ravnaq va farovonlik tilab qolamiz.
&nbsp;
Aziz va muhtaram vatandoshlar!
&nbsp;
Hozirgi kunda dunyo naqadar murakkab va tahlikali bo&lsquo;lib borayotganini barchamiz ko&lsquo;rib turibmiz. Bunday keskin sharoitda yurtimizda tinchlik, o&lsquo;zaro hurmat va totuvlik muhitini saqlab, barcha soha va tarmoqlarda fidokorona mehnat qilib ko&lsquo;zlagan yuksak maqsadlarimizga yeta olamiz.
&nbsp;
Albatta, o&lsquo;z tarixida ne-ne sinov va mashaqqatlardan munosib o&lsquo;tgan mard va olijanob xalqimiz bunga har tomonlama qodir.
&nbsp;
Bu yo&lsquo;lda el-yurtimizga mansub mehr-oqibat, o&lsquo;zaro birlik va jipslik biz uchun beqiyos kuch-qudrat manbai bo&lsquo;lib xizmat qiladi, deb ishonaman.
&nbsp;
Siz, azizlarni muqaddas Qurbon hayiti bilan yana bir bor chin dildan tabriklab, barchangizga tinchlik-xotirjamlik, sihat-salomatlik, xonadonlaringizga fayz-u baraka tilayman.
&nbsp;
Qutlug&lsquo; ayyom barchamizga muborak bo&lsquo;lsin!

Prezident o‘zbek xalqiga Qurbon hayiti munosabati bilan tabrik yo'lladi

Qurbon hayiti – mehr-oqibat, birlik va saxovat ayyomi.

O‘zbekistonda maktabgacha ta’lim 7 yilda tub o‘zgarishga yuz tutdi

O‘zbekistonda oliy ta’lim muassasalari ko'paymoqda

Qurbon hayiti munosabati bilan metro vaqtincha bepul bo‘ladi

Qozog‘istonda o‘zbekistonliklar ketayotgan avtobusda yong‘in chiqdi

Karantinning foydasi

Bugun barcha xodimlar ishdan 1 soat erta ketishlari mumkin

O'zbekiston

Kategoriyalar

Bog'lanish uchun

Elektron manzil

Shahodatnoma

Tahririyat manzili

G'oya muallifi