Rossiyaning Tver viloyatida shaxsiy samolyotning qulashi oqibatida 10 kishi halok bo‘ldi. Bu haqda Favqulodda vaziyatlar vazirligi xabar berdi.
Telegram kanallari halokatga uchragan samolyot vagnerchi Yevgeniy Prigojinga tegishli ekani haqida yozmoqda – buni halokat joyidan olingan kadrlarda ko‘rish mumkin bo‘lgan raqami ham tasdiqlaydi.
Yevgeniy Prigojin Tver viloyatida halokatga uchragan samolyot yo‘lovchilari ro‘yxatida bo‘lgan, deb xabar bermoqda “Rosaviatsiya”.Agentlik maʼlumotlariga ko‘ra, bortda 10 kishi, jumladan uch ekipaj aʼzosi bo‘lgan.
«Dastlabki maʼlumotlarga ko‘ra, bortdagilarning barchasi halok bo‘lgan», — deyiladi xabarda.
Readovka manbasining taʼkidlashicha, Yevgeniy Prigojinning o‘limi haqidagi xabarlar hozircha soxta. OAV manbasiga ko‘ra, uning o‘limi, shuningdek, Vagner guruhi qo‘mondoni Dmitriy Utkinning o‘limi haqidagi maʼlumotlarni hozircha tasdiqlab bo‘lmaydi.